Ölkəmizdə iqtisadiyyat və biznes sahəsində araşdırma, məsləhət və təlim xidmətlərini göstərən İqtisadi Resursların Öyrənilməsi Mərkəzi (SER) rebrendinq edərək yeni loqotipini və korporativ stilini təqdim etdi.

“Biznesinizə peşəkar  dəstək” olan yeni şüarın mənası təşkilatın bütün fəaliyyət növlərində, eyni zamanda sektorda yeni alternativ yanaşmaya işarə edir. Belə ki, Mərkəz iqtisadiyyatın müxtəlif sahələri, “Şərikli biznesin qurulması”, “İslam maliyyəsi və bankçılığı”, “Korporativ idarəetmə”, “Vergi öhdəlikləri”, KOB-lar üzrə layihələr, konfranslar və forumlar təşkil edir.

Qeyd edək ki, təqdim olunan loqotipdə (Bax yuxarıdakı) Mərkəzin adının beynəlxalq yazılış formasının baş hərfləri (SER), araşdırmaçı, maliyyə diaqramı, yüksələn iqtisadi ox simvolları əks olunmuşdur.Klassik mavi rəngisə 2020-ci ilin seçilmiş pantone rəngi olmaqla həm də təşkilatın yeni korporativ stilinin rəmzidir.

Bununla yanaşı İqtisadi Resursların Öyrənilməsi Mərkəzi İslam maliyyəsi və bankçılığı sahəsində elmi tədqiqatlar həyata keçirmək üçün 2020-ci ildə öz nəzdində İslam Maliyyə İnstitutunu (İsFİ) da formalaşdırmışdır.

Mərkəzin nəzdində qurulan İslam Maliyyə İnstitutunun loqotipində (bax aşağıdakı) isə IsFI (Islamic Finance Institute) hərflərinin kufi kalliqrafiyası ilə yazılışı, maliyyə diaqramı, müsəlman aləmində geniş istifadə olunan hilal və təhsil mənasında işlənən açıq kitab simvolları təsvir olunmuşdur.

1 Oktyabr 2020-ci il tarixindən etibarən ilkin mərhələdə yeni loqotip elanlarda, posterlərdə, banerdə, rəsmi sənədlərdə və fərdi ünsiyyət elementlərində tamamilə yenilənəcək.

Mərkəzimiz bundan sonra da öz ənənəsinə sadiq qalaraq daim inkişaf edən iqtisadiyyata və biznes mühitinə öz töhfəsini verməyə, etimadınızı doğrultmağa davam edəcək.