2026-cı il iyunun 18-də Pakistan İslam Respublikasının “Al-İqtisad Consulting” şirkətinin təsisçisi Dr. Sanaullah Ansari və İqtisadi Resursların Öyrənilməsi Mərkəzinin (SER) sədri phd.Ruslan Atakişiyev arasında əməkdaşlığa dair Anlaşma Memorandumu (MoU) imzalanıb.

Sənəd iqtisadi tədqiqatlar, İslam maliyyəsi, elmi-analitik bilik mübadiləsi və birgə layihələrin həyata keçirilməsi sahələrində əməkdaşlığı nəzərdə tutur. Tərəflər bu əməkdaşlığın Pakistan və Azərbaycan arasında iqtisadi və elmi əlaqələrin inkişafına töhfə verəcəyini bildiriblər.